Skólinn

Teikning af Fjólu og samnemendum hennar ásamt tveimur kennurum.

Álftamýrarskóli er heildstæður grunnskóli sem tók til starfa haustið 1964. Þar starfa 420 nemendur í 1.-10. bekk og um 60 starfsmenn. Skólinn er teymiskennsluskóli og leggur áherslu á leiðsagnarnám og byrjendalæsi. Uppeldisstefna skólans byggir á stefnunni Uppeldi til ábyrgðar - uppbygging sjálfsaga.

Gildi skólans eru árangur - virðing - áræðni.

Frístundaheimilið Álftabær er fyrir börn í 1.-4. bekk í Álftamýrarskóla og félagsmiðstöðin Tónabær býður upp á fjölbreytt og skemmtilegt starf fyrir börn og unglinga.

Starfsfólk

Áhersla er lögð á að laða að og halda í metnaðarfullt starfsfólk, sem vinnur að því að byggja upp jákvæða sjálfsmynd nemenda með gagnkvæmri virðingu og góðum samskiptum.

Starfsáætlun

Hvað er framundan í Álftamýrarskóla? Í árlegri starfsáætlun finnur þú upplýsingar um stefnu skólans, skipulag skólaársins og margt fleira. 

Skólareglur

Í Álftamýrarskóla gerum við væntingar til nemenda. Við viljum að þeir nái árangri í leik og starfi en nýtum mistök sem tækifæri til þess að læra af þeim. Leikreglurnar okkar eru hjálpartæki sem aðstoða okkur við að muna hvernig skólabrag við viljum hafa.

Matur í grunnskólum

Skólamáltíðir eru gjaldfrjálsar en mikilvægt er fyrir skólann að hafa áfram yfirsýn, halda utan um upplýsingar um ofnæmi og óþol og takmarka matarsóun. Því þarf eins og áður að skrá nemendur í mataráskrift.

Þeir nemendur sem voru skráðir í fyrra verða sjálfkrafa skráðir í áskrift en aðrir þurfa að skrá sig. Breyting á skráningu fer fram á matur.vala.is.

Matseðill Álftamýrarskóla Breyta skráningu í skólamat Meira um mat í grunnskólum
Teikning af Fjólu að borða mat í skólanum

Foreldrasamstarf

Við erum öll í þessu saman, enda er oft sagt að það þurfi heilt þorp til að ala upp barn. Í skólum borgarinnar er markvisst unnið að því að auka samráð við foreldra og styrkja aðkomu þeirra að skólastarfi. Foreldrafélag  er starfrækt í öllum skólum Reykjavíkurborgar.

 

Meira um foreldrafélag Álftamýrarskóla Foreldrastarf í grunnskólum Reykjavíkur
Teikning af Fjólu á leið í skólann ásamt fleiri nemendum og foreldrum

Skólaráð

Við grunnskóla skal starfa skólaráð sem er samráðsvettvangur skólastjóra og skólasamfélags um skólahald. Meginhlutverk skólaráðs að vera vettvangur fyrir alla fulltrúa skólasamfélagsins til að eiga samráð um málefni skólans.

Nemendafélag

Samkvæmt lögum um grunnskóla skal starfa nemendafélag við grunnskóla og er öflugt nemendafélag í Álftamýrarskóla. Nemendafélagið vinnur m.a. að félags-, hagsmuna- og velferðarmálum nemenda og sitja fulltrúar þess í skólaráði.

Mat á skólastarfi

Hér getur þú skoðað niðurstöður innra mats Álftamýrarskóla og umbótaáætlun sem unnin var í kjölfari. Skólinn hefur ekki farið í ytra mat síðan hann varð Álftamýrarskóli aftur (eftir Háaleitisskóla).

Innra mat á skólastarfi í Álftamýrarskóla Meira um ytra mat á grunnskólastarfi

Skólahverfi Álftamýrarskóla

Í Reykjavík eru mörg skólahverfi og barnið þitt hefur forgang í sinn hverfisskóla. Álftamýrarskóli er hverfisskóli fyrir íbúa við eftirtaldar götur: 

Álftamýri, Ármúla, Fellsmúla, Grensásveg 1-18, Háaleitisbraut, Lágmúla, Safamýri, Síðumúla og Starmýri.

Reglur um skólahverfi, umsókn og innritun